อนุรักษ์สืบสานวัฒนธรรมท้องถิ่นจ๋ารีตป๋าเวณี

โฮงเฮียนค่าวออนไลน์

อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย หนานเอ คนบ่เก่า » Fri Jun 11, 2010 4:17 am

เมืองลำปาง เขลางค์จื่อนี้ เสียงจื่อลือดี ของดีไฝ่กว้าง
ถ่านหินลือชา นักหนาป๋าป้าน พระธาตุหลวงงาม ศักดิ์สิทธิ์บ่หน้อย
รถม้านั้นแถม ปาแอ่วเตียวต้อย ไปต๋ามสายหั้น เวียงวัง
เครื่องปั้นนั้นแล้ว งามดั่งมนต์ขลัง ชื่อเสียงโด่งดัง เฝิกจ๊างเนอเจ้า..เฝิกจ๊างเนอเจ้า..
สวัสดีครับหมู่เฮาจาวล้านนา สวัสดีครับครูอุดมยินดีครับตี่ได้เข้ามาเป๋นสมาชิกตี่นี้และได้ฮ่วมสร้างต๋ำนานตวยครับ..หนานเอคนบ่เก่า
หนานเอ คนบ่เก่า
 
ตอบ: 1
สมัครสมาชิก: Fri Jun 11, 2010 3:53 am

Re: อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย เครือออน » Sun Jun 13, 2010 2:25 pm

ยินดียิ่งแล้ว บ่แคล้วดั่งหวัง หนานเอลำปาง เขลางค์บ่าวหน้อย
มาจ้วยขับขาน มาจ๋ารค่าวสร้อย มาเขียนฮอมปอย ค่าวไจ๊
มาฮ่ำลำปาง มาว่างค่าวไว้ กระดานนี้ได้ เมธี
แถมคนหนึ่งแล้ว มิตรแก้วเมธี๋ ด้วยความยินดี ตี้หนี้ฮับต้อน.
ฮู้จักอยู่ ฮู้จักกิ๋น ฮู้จักใช้ / อยู่เท่าที่ดิน กิ๋นเท่าที่ได้ ใช้เท่าที่มี
User avatar
เครือออน
 
ตอบ: 856
สมัครสมาชิก: Fri Sep 14, 2007 8:58 am
ที่อยู่: อำเภอแม่ออน จังหวัดเชียงใหม่

Re: อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย พูนอุดม.เวียงเขลางค์ » Mon Jun 14, 2010 5:24 am


หนานเอมาตั๊ก แต่งค่าวภาษา หื้อหมั่นเข้ามา จุมนุมค่าวสร้อย
ค่อยหัดแต่งไป ได้วันละหน้อย แต่งค่าวฮอมปอย วันนี้

มีหลายหัวเมือง มาจ๋ากล่าวจี๊ เครือออนก็แว่ เข้ามา
ล้านนาถิ่นนี้ ม่วนงันแต๊หนา อู้จ๋ากั๋นมา ไปกั๋นหล้องหล้อง
บางคนไค่หัว จ๋นงอหล้องหง้อง ตึงค่าวกะโลง ม่วนนัก

ป้อจายเข้ามา ได้เอิ้นปากตั๊ก แม่ญิงมีหน้อย ล้ำไป
ขอเอิ้นปากตั๊ก เจ้าแว่นแว่นใส หลบอยู่ตางใด บ่มาแว่อู้....

User avatar
พูนอุดม.เวียงเขลางค์
 
ตอบ: 144
สมัครสมาชิก: Tue Jul 22, 2008 8:41 am

Re: อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย เครือออน » Mon Jun 14, 2010 1:28 pm

ครูพูนอุดม นิยมชอบสู้ หนานเอมาจู ครั้งนี้

แต่ก็อ่อนใจ หลายคนหลบลี้ บ่แว่มาจี้ มาไจ
เมื่อก่อนมีนัก มาตั๊กกั๋นหลาย ตึงญิงแลจาย มาหมายตอบถ้อย
มาจ้วยกั๋นขาน มาจ๋ารค่าวสร้อย ฮักษาฮีตฮอย นาล้าน

แต่ปัจจุบัน หลายท่านยอมก๊าน หนีไปจากบ้าน ค่าวซอ
หนานเอมาแล้ว มิตรแก้วอื่นหนอ ปิ๊กมาเต๊อะนอ มาต่อค่าวสร้อย.
ฮู้จักอยู่ ฮู้จักกิ๋น ฮู้จักใช้ / อยู่เท่าที่ดิน กิ๋นเท่าที่ได้ ใช้เท่าที่มี
User avatar
เครือออน
 
ตอบ: 856
สมัครสมาชิก: Fri Sep 14, 2007 8:58 am
ที่อยู่: อำเภอแม่ออน จังหวัดเชียงใหม่

Re: อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย ล้อเลื่อน » Tue Jun 15, 2010 6:25 am

มวลมิตรตังหลาย ลางคนหายจ้อย ลางคนมากอย แล้วลี้

จ้วยกั๋นเต๊อะหนา ฮักษาห้องนี้ เอาไว้ตี้นี่ ต่อไป
ว่างก๋ารงานแล้ว อย่าไปแอ่วไหน หมั่นแวะมาไจ กระดานค่าวห้อง
ล้อเลื่อนสว่างเมา เลยเข้ามาถ้อง แฮ้งค์จากยาดอง วานนี้

วันนี้ตื่นขวาย ตะวันบ่ายจี๊ เพราะอีตาลี่ ตั๋วเดียว
เสมอเขาเอาไว้ ปอได้หวาดเสียว เอาแค่ลูกเดียว เกือบจะบ่ได้
User avatar
ล้อเลื่อน
 
ตอบ: 1163
สมัครสมาชิก: Sun Apr 18, 2010 6:17 am
ที่อยู่: อ.ลำลูกกา จ.ปทุมธานี

Re: อนุรักษ์สืบสานวัฒนธรรมท้องถิ่นจ๋ารีตป๋าเวณี

Postโดย เครือออน » Tue Jun 15, 2010 11:08 am

นอนเดิ๊กตื่นขวาย ระวังป่วยไข้ อยู่บ่สบาย เน่อครับ

ในช่วงนี้หนอ ต้องขอกำชับ หลับส้ายเมื่อวัน เนอเฮา
หากต้องตื่นเจ๊า ยะก๋ารแล้วเหงา ต้องลุกไปเอา น้ำมาลูบหน้า
ต๋อนกิ๋นข้าวตอน พักผ่อนไว้ถ้า หนีไปนิทรา ช่วงพัก

เลิกงานบ้านกลับ ต้องหลับนักนัก พักหลับฮอดได้ หกโมง
ตื่นขึ้นมาจั๊บ สำหรับประสงค์ คู่แรกหกโมง ตรงเวลาเจ้า.
ฮู้จักอยู่ ฮู้จักกิ๋น ฮู้จักใช้ / อยู่เท่าที่ดิน กิ๋นเท่าที่ได้ ใช้เท่าที่มี
User avatar
เครือออน
 
ตอบ: 856
สมัครสมาชิก: Fri Sep 14, 2007 8:58 am
ที่อยู่: อำเภอแม่ออน จังหวัดเชียงใหม่


กลับไปหน้า กระดานค่าว

ผู้ที่กำลัง online

ผู้ที่กำลังอ่าน forum นี้: สมาชิก ไม่มีสมาชิก และ ผู้เยี่ยมชม 1 คน

cron