รับสมัครนักเรียนค่าว รุ่น 7 ปี 2553

[เครือออน]

เปียรเฮียนเปียรแต่งถ้อย...ขับขาน
เตียนย่อมจักสำราญ........หม่องหน้า
ขาดเปียรหย่อนแลยาน....จักฝ่อ
จักก่อเกิดแกล้วกล้า........จื่อไว้เปียรสถาน

[พูนอุดม.เวียงเขลางค์]

นับหนึ่งถึงหนึ่งร้อย.......ฟั่งเพียร
แต่งกะโลงเล่าเรียน......เพริศแพร้ว
สืบสานต่อแวะเวียน......บ่สุด คำดี
ส่งต่อศิษย์หื้อแล้ว........แต่นี้เมินไป

[ล้อเลื่อน]

คืนวันผันผ่านพ้น ทัยสลาย
เลื่อนล้อขอทักทาย หวนห้อง
ห่างเหินเพราะกายล้า จิตท้อถดถอย
โสตยังกังวานก้อง แสนอนาถราชประสงค์

[เครือออน]

ครูพูนครูแว่เข้า.........มาไจ
เป็นห่วงทุกคนไป......ศิษย์เจ้า
ครูพูนใส่ใจ๋ใน...........ศิษย์เล่า เรียนนา
เป๋นแบบเป๋นเบ้าเค้า...เหล่าข้าชื่นใจ๋
.
ใยหนอลุงเลื่อนล้อ....เงียบหาย
มวลหมู่เฮาเรียงราย...อยู่ถ้า
ลุงไปร่วมสหาย.........แดงอยู่ เทพกา
มวลหมู่ทแกล้วกล้า....ฝ่ายนั้นเป๋นใผ

[ล้อเลื่อน]

ไทยเหยไฉนเลย แบ่งฝ่าย
ยิ้มที่เห็นเลือนหาย เมินหน้า
ฆ่าเข่นราวี จิตร้าย จิตโจร
ต่างฝ่ายอวดแกล้วกล้า ห่อนฮู้ นรกสุม

สะเทือนก้องกังวานไกล กลางกรุง
หมอกควันกระจายฟุ้ง คลุมฟ้า
บอกเมืองยิ้ม เหมือนเย้ย เมืองสยาม
สิ่งประจักษ์เบื้องหน้า ผู้แพ้ แท้จริง

[เครือออน]

เมืองไทยชนใหญ่หน้อย...ลูกหลาน
ใจ๋ฝ่อทรมาน.................บิ่นบ้า
ตึงวันฝ่ายรัฐบาล............แพะขี่ ไล่รา
แผลถ่างเปิดอ้าท้า..........ฝ่ายข้างแหนงใจ๋

[หรรษา]

หลายวันแล้วบ่เข้า................มาไจ
ใจ๋บ่ห่างเลยไป....................อยู่หนี้
ดีใจ๋อยู่ปายใน....................บ่ห่าง เลยลา
กล๋ายอยู่ไกล๋แต้ไซร้............หยั่งไว้ ใจ๋เอย

[เครือออน]

มาเลยมาแต่งแต้ม.........เขียนจ๋าร
มาแต่งกะโลงงาน..........ค่าวสร้อย
กระดานค่าวคือลาน........เฝิกแต่ง
เปียรหมั่นจ๋ารสร้อยร้อย...เทื่อหน้อยขับแข็ง

[หรรษา]

มีเครือออนเต่านั้น..............หรรษา
ยังบ่หันไผมา....................ผ่านเข้า
สงสัยว่าเฮานา..................บ่าเก่า โบราณ
ละอ่อนเด็กน้องเหน้า..........บ่เข้ามาแจม

[ล้อเลื่อน]

กะโลงกาพย์กล๋อน................. บ่าเก่า
หละอ่อนบ่เข้า........................มาก๋าย
กึ๊ดแล้วใจ๋ หม่นเศร้า................แต้นา
กลั๋วจะสิ้นสุญหาย.... คนฮักษ์...สืบแทน

[หรรษา]

หัวโบราณเหล่านี้.............หมู่เฮา ตังมวล
คงจ่วยกั๋นบรรเทา............บ่ม้าง
เพราะเด็กอ่อนวัยเยาว์......ลืมเก่า ของดี
กะโลงค่าวอ้างว้าง...........บ่หล้างจักสูญ.

[เครือออน]

บุญกุณคนแห่งห้อง.....ล้านนา
เกิดแต่จาวพารา.........ก่อเกื้อ
สืบกั๋นต่อยาวมา.........แผวหมู่ เฮาเฮย
หากปล่อยมันหื้อเฮื้อ...เชื่อได้หายสูญ

[หรรษา]

จะเยี๊ยะใดพ่องนั้น..............สืบสาน
หื้อค่าวเฮาเบิกบาน.............อยู่ได้
คนเอ่ยเล่าลือขาน..............ซอค่าว กะโลง
หื้อรุ่งเรืองนั้นไซร้...............บอกไว้ จิ่มนา

[เครือออน]

มาเต๊อะมาแต่งแต้ม...เขียนจ๋าร
นับหนึ่งจึงจักบาน......แผ่กว้าง
มัวรออยู่ไปนาน........จักยิ่ง ฝ่อนา
มัวผ่อมัวเงื้อง้าง.......ไป่สร้างห่อนสม

[พูนอุดม.เวียงเขลางค์]

เมื่อแต่งค่าวเก่งแล้ว......หยาดยาย
สอนต่อเพื่อนญิงชาย.....แต่นี้
สืบสานแผ่ขยาย..........บ่สุด ดีแล
หื้อช่วยเหลือได้ชี้.........สืบถ้อยคำงาม

[หรรษา]

หรรษามาแต่งแล้ว.............ขีดเขียน
ซอค่าวกะโลงเฮียน............บ่ดื้อ
กลั่วคนอื่นติเตี๋ยน..............เล่าขวัญ นินตา
ยังบ่อาจค้ำหื้อ..................ค่าวสร้อย ขยาย

[พูนอุดม.เวียงเขลางค์]

หื้อสอนละอ่อนน้อย.......ชายญิง
คนแก่ที่อ้างอิง..............ใคร่รู้
คนอยากแต่งไหลหลิ่ง.....มาฮอด มาจู
สอนสั่งไว้ได้ยู้...............มอบหื้อวิชา

[หรรษา]

จะลองสอนค่าวสร้อย.............เด็กเยาว์
ก่อยๆสอนอดเอา..................เริ่มต้น
ฝึกเขียนอ่านสอนเอา.............เด็กอ่อน วัยซน
กล๋อนค่าวซอหื้อค้น...............สว่างแจ้งปั๋ญญา

[เครือออน]

สอนเด็กสอนอ่อนหน้อย...ขับขาน
สอนค่าวกะโลงลาน.........ที่หนี้
หรือสอนอื่นสถาน...........หลายที่ ดีแล
สอนค่าวกะโลงชี้............กี่ครั้งเปียรสอน

[หรรษา]

นับสอนจากหนุ่มน้อย............วันซน รุ่นเยาว์
ตึงหมู่เปื่อนทุกคน.................เผ่าผู้
สอนไปเริ่มขัดสน.................ตั๋วเก่า แต๊นา
เพราะเขาบ่เข้าสู้...................เรื่องนี้ล้าสมัย.

[ล้อเลื่อน]

ต้อง...อนุรักษ์กะโลงไว้.................................หวงแหน
มี...ผู้คนสืบแทน..........................................ต่อถ้อง
สัก...สิบสักร้อยคน.......................................เวียนอ่าน
วัน...หนึ่งคงกึกก้อง......................................คู่บ้าน ล้านนา

[เครือออน]

เมธีหากหมั่นถ้อง.........ขับขาน
แลหมั่นสอนลูกหลาน...แต่หน้อย
กะโลงยั่งยืนนาน.........เป๋นแน่
คนแก่แต่งถ้อยร้อย......หนุ่มหน้อยสืบสาน

[เพลงซอ]

กะโลงซอค่าวจ๊อย อ่อนด้อยปัญญา
ตามติดชิดครูบา ยากล้ำ
ฤาด้อยวาสนา ค่าวจ๊อย คำโคลง
ใจ๋หลงลงบ่สู้ นั่งผ่อ บ่ดาย

[หรรษา]

กะโลงเคียงคู่บ้าน................นานมา
เจ่นปู่หม่อนเฮานา................เก่าเกื้อ
ขะแนมหมั่นศึกษา...............เปียรฮ่ำ
เฮียนอ่านเขียนเข้าเนื้อ.........เอื้อเฟื้อไปนาน.

[เครือออน]

เมธีมีจิตหมั้น...........สืบสาน
เปียรอยู่เถิงจักนาน...เนิ่นช้า
สักวันย่อมอุฬาร.......สมดั่ง ใจ๋แล
วันหนึ่งในเบื้องหน้า...รุ่งฟ้าสง่าใส