คนเมือง

โดย **หมื่นฮู้** » Sun Sep 19, 2004 8:15 am

.....และแล้วเฮาก่อได้มีโอกาสได้นัดป๊บปะสังสรรกั๋นแห๋มเตื้อละครับ แต่ว่าคราวนี้
ค่อนข้างฉุกละหุก ก่อเลยบ่อได้บอกหมู่เฮาไปกั๋นครบๆครับ แฮ่ๆ

ๆ

.....เริ่มจากปี้แก้วไค้มาปะหมู่เฮาแห๋มกำอี้นาครับ อู้กั๋นไปอู้กั๋นมาก่อเลยนัดกั๋นมาตี้
คอนโดผมวันเสาร์ตี้ 18 กันยาครับ แต่ก่อโกลาหลเล็กๆครับ เพราะว่าตี้ห้องผมก่อ
บังเอิญมีคิวนัดสัมภาษณ์นักฮ้องตวยครับ ก่อเลยวุ่นวายกั๋นเล็กน้อย แต่ก่อบ่อมี๋ปั๋นหา
อะหยังครับ อ้ายปั๊กฯมาก่อนเปิ้น มาพร้อม "ไก่ทอดเกลือ" ลำๆสามสี่กล่องครับ
น้องเกดมองฟ้ามาเป๋นคนตี้สอง มาพร้อมแก๋งบะหนุน ตี้ลู่กั๋นกิ๋นหมดก่อนเปิ้น กับ
น้ำพริกปล๋า น้องเกดบอกว่าแม่เป๋นคนแป๋งฮื่อตึงสองอย่างครับ ลำแต๊ๆ

....พอปี้แก้ว ปี้กุ๊กไก่ น้องโจ้ กับอ้ายสม มาถึง นักฮ้องก่อสัมภาษณ์แล้วพอดีครับ
เฮาก่อเลยลงมือลุยแกะกับเข้าออกมาครับ อ้ายสมยังโทรไปสั่งห่านกับเป็ดจาก
ดินแดงมาเพิ่มแห๋มครับ รวมกับต๋ำส้ม ลาบ น้ำตก ไก่ย่าง ตี้ผมออกไปซื้อมาเตรียม
ไว้ก่อนแล้ว กับเข้าเฮาก่อล้นโต๊ะครับ แฮ่ๆ

ๆๆ

....อ้ายก๋ำปุ๊งคำกับปี้ลัดดา แวะฮับน้องเนื้อกู้ มาตวยครับ มาถึงค่ำเหลือเปิ้นครับ
เพราะติดประชุมครับ ปี้ลัดดาแก๋งแคมาตวยครับ ลำแห๋มละ น้องเนื้อกู้ก่อต๋ำน้ำพริก
กุ้งสด มากับผักหละชุบไข่ทอด กับดอกอะหยังบ่อฮู้ครับ น่าจะเป๋นดอกขจรทอด
แห๋มอย่างนึ่งครับ ลำ ล๊ำ ลำ ครับ กิ๋นปอกั้ดแล้ว กั้ดแห๋ม กับเข้าก่อยังเต๋มโต๊ะอยู่
เลยครับ

....พอเริ่มกั้ดกั๋นอ้ายก๋ำปุ๊งก่อโชว์เพลง ตี้วันนี้เตรียมปั๊กกะตืนมาตวยครับ เป๋น
สมุดจดเนื้อเพลงพร้อมคอร์ดกีตาร์ สมัยเมื่อปี๋ 2523 ม่วนดีแต๊ครับ.....

หมู่เฮาลงมือกิ๋นกั๋นอย่างเต๋มตี้เลยครับ แต่ต้องยอมก๊านกับเข้าตี้มีนักเหลือเกิ๋นครับ
ปอกิ๋นไปแห๋มสี่วันครับ

อ้ายก๋ำปุ๊งโชว์ลูกคอครับ

ปี้ลัดดา น้องนิว น้องเนื้อกู้ กำลังนั่งฟังเพลงตี้อ้ายก๋ำปุ๊งฮ้องอย่างตั้งใจ๋ครับ

น้องเนื้อกู้ขอลองมาฮ้อง พร้อมเขย่าเพอร์คัสชั่นไปตวยครับ

เปลี่ยนปี้แก้วเข้าไปฮ้องครับ

อันนี้เป๋นลูกเดือยครับ ตี้น้องเนื้อกู้เอามาฮื่อหมู่เฮากิ๋นกั๋นครับ ส่วนใหญ่หมู่เฮาบ่อเกย
กิ๋นแบบอี้เลยครับ เกยก้าตี้เปิ้นแกะฮื่อแล้ว ก่อเลยได้เฮียนวิธีกิ๋นจากน้องเนื้อกู้เนี่ย
ครับ แฮ่ๆ

ๆๆ ขบปะแล๊ดไปปะแล๊ดมาครับ เปลือกมันแข็งครับ

หมู่เฮากิ๋นลูกเดือยกั๋นเป๋นแต๊เป๋นว่ากั๋นครับ ส่วนอ้ายก๋ำปุ๊งก่อยังครวญเพลงฮื่อฟัง
อย่างต่อเนื่องครับ แฮ่ๆ

ๆ

งานนี้เฮาก่อม่วนกั๋นแห๋มแล้วครับ ขอบคุณกู้คนครับ...

โดย **เจ๋วะรัฐถะ** » Sun Sep 19, 2004 1:55 pm

ฮื้อ .... ขอยจ๋นหมะฮู้จะขอยจะไดหละเจ้า

แต่ก่อยินดีกับหมู่เฮาโตยนะเจ้า ตี้หมู่เฮาได้พบป่ะกั๋นแหมหนะเจ้า

ต๋อนแรก กึดถอก กึดถอก ว่าจะไปดี หมะไปดี (ปอจะตัดสินใจ๋ไปหละหนาเจ้านิ)
แต่พอดี มีงานศพของญาติผู้ใหญ่ ตี้อยู่เมืองป๊าว (อ.พร้าว)
ก่อเลยต้องไปจ่วยงาน วันเสาร์-อาทิตย์
ปิกมาถึงทุ่มป๋าย ก่อฟั้งซุดมาผ่อฮูปก่อน เพราะฮู้ว่าอ้ายหมื่นฮู้จะต้องโพสแน่ๆ แฮ่ๆ

(แบบว่าเกาะติดสถานการณ์อ่ะเจ้า)

บรรยากาศยังคงความอบอุ่นเหมือนเดิม และ...เพิ่มเติมขึ้นเรื่อยๆ
ผ่อแล้ว ได้แต่ยิ้มไปโตยหนะเจ้า

ขอบคุณอ้ายหมื่นฮู้นักๆเลยนะเจ้าสำหรับฮูปและก๋านบรรยาย

ง่า...ปี้จ๋า
ง่อม อ่ะเจ้า :cry:

ปล. น้องเกดเจ้า ลักหน่วยหมะเดือยใส่ถงเตวมาหื้อปี้จิมสักแก่นสองแก่นก่อเจ้านิ แหะ แหะ

โดย **sao-noi-jiang-hai** » Sun Sep 19, 2004 2:03 pm

สวัสดีจ้าว น้องเป็นคนเมืองเหมือนกัน กําลังสมัครเป้นสมาชิกใด้บ่ากี้นี่เอง หันรูปตี่เปิ้นกินบ่าเดยกัน ขายากกินต่วยคนจ้าว :wink:

โดย **หมื่นฮู้** » Sun Sep 19, 2004 2:08 pm

ยินดีต้อนฮับครับ น้องสาวหน้อยเจียงฮาย

ฮ่ะๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆๆ.....เอิ๊ก....เอิ๊ก.......(ไค้หัว...ครับ..)

สรีสวัสดี...ปี้น้อง...ทั่วห้องแห่งนี้ เมิ๊นนนนนนนนนนนนนน นักแกแล้ว...ตี้อ้าย
บ่ได้เข้ามาแว่มาจัย....เป๋นจะใดกั๋นพ่องครับ....สบายกั๋นดีก่จา

แห่ะๆๆๆๆ....ตะกี้....ตี้อ้ายไค้หัวนั้น.....บ่ไจ้อะหยั๋งงงงง หรอกครับ....ไค้หัวตั๋วเก่า
อะครับ.... โท๊ะ....โท๊ะ....โท๊ะ....ทำโมสังโฆ....หัวตัวต๊องแป็บ เหียเต๊อะ....
ในฮูปตังบนปุ๊น....มันจั่งแม่นอ้ายหว่ะหน่ะ.... ฮ่ะๆๆๆๆๆ....หยั๋งมาเฒ่าแต้ว่าก่ห๋า

ก่......ต้องขอขอบคุณผ่านมายังอ้ายหมื่นฮู้....น้องนิว....และป้า มาแห๋มกำครับ
ตี้ได้ฮื้อไจ้สถานตี้(คอนโดสุดหรูเริ๊ด...อะลังการณ์) เป๋นตี้นัดป๊บปะกั๋น...ในหมู่เฮา
จาวเวปคนเมืองแห่งนี้..... หลายเตื้อนักแกแล้ว.... ก่....ฮู้สึกแก๋งใจ๋เหมือนกั๋น
น่อครับ..... แต่....กะบ่ฮู้ว่า...จะไจ้ตี้ไหน...มามาเหมาะกว่าตี้นี่แล้วาเน๊าะ....อิๆๆ

งานนัดป๊บคนเมืองกู้เตื้อ....ก่ได้ฮับก๋านต้อนฮับอย่างอบอุ่นเสมอมา.....ด้วยไม่ตรี
ตี้ดี...ห๋องเจ้าของสถานตี้.... และตี้สำคัญ.... เถิงแม้ว่า อ้ายจะบ่ค่อยได้มีเวลา
เข้ามาจัย มาแว่ เมินแล้วเหมือนกั๋น....แต่..... หลายๆคนกะยังบ่ลืมอ้ายเตื้อ มี
อะหยั๋ง กะยังเอิ้นยังฮ้องอ้ายไปฮ่วมตวย.... กะยิ๊นดีนักๆเน่อครับ

บรรยากาศตี้อบอุ่นด้วยก๋านต้อนฮับห๋องบ้านแห่งนี้....ยังเหมือนเดิม แถมบะปอ
ขกปิ๊ก....กะยังมีของแถมติดไม้ติดมือปิ๊กบ้านตวย... บ่หมี๋ตี้ไหนจะอบอุ่นเต้าตี้นี่
แห๋มแล้วหล่ะครับ...เฮาอู้กั๋น....กิ๋นเค๊าตวยกั๋นเป๋นดีม่วนดีงัน...เหมือนปี้เหมือนน้อง
เป๋นกั๋นเองดีแต้ๆครับ...... อ้ายจะบ่ลืมหมู่เฮาเลย เอาไว้ถ้างานอ้ายเข้าตี้เข้าตาง
ดีแล้ว.....อ้ายสัญญาว่า....จะปิ๊กเข้ามาอู้มาจ๋ากับหมู่เฮาเหมือนตะก่อนแน่นอน..

เอาไว้ปะกั๋นใหม่น่อครับ....เมื่อชาติต้องก๋าน/

อ้ายแมงก๋ำปุ๊งคำ...ลุ่มน้ำแม่ระมิงค์/
วันตี้สิบเก้า...เดือนเก้า....ปี๋สี่เจ็ด

โดย **หมื่นฮู้** » Sun Sep 19, 2004 2:27 pm

เย้ๆๆๆ ดีใจ๋อ้ายก๋ำปุ๊งแวะมาเยี่ยมครับ เอาไว้ว่างๆก่อนก่อได้ครับ ก้อยเข้ามาหมั่นๆต๋อนนี้อ้ายปั่นยอดไปก่อนเน่อครับ แฮ่ๆ

ๆๆ แล้วไว้ถ๊ามีก๋านนัดป๊บปะกั๋นแห๋ม เดวจะเอิ้นบอกอ้ายครับ จะเอิ้นไปว่า "แก๋งแคครับบบบบบบบบ" แฮ่ๆ

ๆๆ อู้เล่นบ่อดายเน่อครับ :-D

ก่อมันลำแต๊ลู่ครับ แฮ่ๆ

ๆๆ

โดย **คำหล้าเจ้า** » Mon Sep 20, 2004 12:25 am

ฮึ........บ้านนี้เปิ้นตึงชุมกั๋นหมั่นแต้เน่อ(ขอยเจ้า)
ชุมกั๋นแบบบ่เกรงใจ๋กั๋นเลยเน่อ

บอกได้กำเดวว่า.......อบอุ่นจังเลย
ไข้เป๋นหนึ่งในก๋านพบปะกั๋นในครั้งนี้แต้ๆเจ้า

โดย **som** » Mon Sep 20, 2004 3:27 am

อิ อิ ม่วนครับ :-D

เถิงจะอิดไปพ่อง เพราะกลางวัน แว่ไปดูงานตี้ บางปะอิน-บางไทรมาครับ

ถ้าไผจะสั่งเป็ด-ห่านท่าดินแดง โทรไปตี้ 02-938-3990 สาขาลาดป๊าว ได้เลยเน้อ

แล้วก็ได้กิ๋น ลูกเดือยของแต้ๆ จากน้องเนื้อกู้ นี่ เกิดมาซาวปี๋ป๋ายยยยยยยยย เพิ่งเกยหัน เกยกิน ของสดๆ(ต้ม) คราวนี้แหละครับ

โดย เอ » Mon Sep 20, 2004 8:53 am

เป๋นดีขอยครับ...ท่าจะม่วนเนาะครับ :cry:

โดย **สลุงเงิน** » Mon Sep 20, 2004 9:30 am

ตาไหม้ภาบ ๆ ครับผม .....

สรีสวัสสดีอ้ายก่ำปุ้งฅำ ทวยครับผม หายไปเมินเลิยน้อครับ

โดย **เจ้าหมวย** » Mon Sep 20, 2004 9:56 am

ขอยแหมเมาะเจ้า งือ ๆ เจ้าหมวยบ่ได้ไปตวย ง่ะ แต่อ้ายก๋ำปุ้งฮูปงามเนาะเจ้า อิ ๆ คาราวะ ท่านซามูไร อิ ๆ

โดย **...แก้ว...** » Tue Sep 21, 2004 5:15 am

สวัสดีเจ้า หมู่เฮากุ๊คน (ไหว้แวดห้อง อิอิ

)

ไปพบปะกั๋นมาแล้ว ม่วนขะหนาดเจ้า
งานนี้พี่แก้วกำไรไปหลายฟ่อด อิอิ

ว่าไดเจ้าน้องนิวน้องเกด

อ้ายหมื่น ยังเป๋นอ้ายบ่าวเสียงหล่อ ใจ๋ดี น่าร๊ากเหมือนเดิมเจ้า

น้องนิว ขอบคุณน้องนิวที่ปฏิบัติตามข้อตกลง ว่าจะนั่งเฉยๆพ่อง
(ถึงแม้จะมีโกงแอบมาทำโน่นทำนี่บ้างเล็กน้อย สงสัยกั๋วพี่แก้วยะถ้วยแตก แหะๆๆ)

อ้ายปั๊กกะตืน มาก่อนไผเปิ้นเลยเจ้า งานนี้อ้ายปั๊กใส่เสื้อโลกล้านนา มานั่งแชท
ห้องซีเอมเจ็ดเจ็ด ตี้บ้านเวบมาสเตอร์คนเมืองดอทคอม โค๊ะ เท่ขะหนาดเจ้าอ้าย

อ้ายสม งานนี้อ้ายสมอิดนักเพราะขับรถไก๋
ว่าแต่ซ่งติงห่างตี้อ้ายสมสั่งมาล๊ำลำแต๊ๆเจ้า แง่มๆๆ

พี่กุ๊กไก่ อิอิ

แซวพี่ตั๋วเก่า จะหัวแตกก่อนิ คนนี้มาพร้อมข้อมูลที่ว่า
กำว่า เจี๊ยะซ่งติง กำพม่าแป๋ว่า ขอบคุณ หรือแตร๊งกริ้ว อี้หวะ แต้กา แต้กา จุก๊า

น้องจิงโจ้ สุดหล่อของข้าเจ้าเอง อิอิ

งานนี้มีตาโก้งคนใหม่แล้วเจ้า
เอ๊า ตาโมงโก้ง .. แชะ แชะ แชะ ไม่ว่าใครจะทำอะไร น้องโจ้เก็บภาพเรียบ

น้องเกดมองฟ้า น่าร๊ากเหมือนเดิมเลย วันนั้นน้องมาพร้อมแก๋งหมะหนุนแสนอร่อย
(ขอดก้นชามเลยแหละ) คนอะไรทั้งน่ารักทั้งอร่อย อิอิ

อิ

น้องเนื้อกู้ เพิ่งเกยปะกั๋นงานนี้เจ้า คนอะหยังก่อบ่าหุ๊ แป๋งกับเข้าก่อลำ
หน้าต๋าก่อน่าฮักน่ามอง ไค่ได้ ไค่ได้ ไค่ได้ แหะๆ

อ้ายกะปุ๊งคำ อ้ายบ่าวของเฮามาฮ้องเพลงพร้อมปั๊กกะตืน แถมยังมีฮูปสมัยหนุ่มๆ
โค๊ะ หล่อขะหนาดอ้ายบ่าวเฮา

พี่ลัดดา กรี๊ดดดดด งานนี้ได้เจอพี่ลัดดาแล้ว พี่แป๋งแก๋งแคลำขะหนาดเจ้า ชนะเลิศ
ใส่ผักนักๆๆๆๆ ขะหนาด มีแผวดอกข่าปุ๊นก่อน พี่สาวคนงามหน้าใสขะหนาดเลยเจ้า
คิดว่าเป๋นเพราะพี่ลัดดาเปิ้นฮักษาสุขภาพ เลือกกิ๋นก๊าของดีมีประโยชน์ วันนั้น
หมู่เฮาเลยได้อาศัยใบบุญไปตวย แหะๆๆ ลำเจ้าลำ

บ่าฮู้จะขอบคุณทุกๆคนจะไดดี ในการพบปะกั๋นครั้งนี้ และทุกๆครั้ง
มิตรภาพที่ทุกๆคนมอบหื้อกั๋นและกั๋น มันมีค่ามากๆเจ้า
หวังว่าอ้ายหมื่น น้องนิว ป้าวัณย์ และครอบครัว คงยังบ่าก้ายกับคำขอบคุณ

เหลือเวลาแห๋มบ่ากี่วัน ก่อต้องจากไปไก๋แห๋มแล้ว.... (เศร้า)
แต่ว่า ก่อห่างแต่ระยะทางน่อเจ้า แต่เฮายังเป๋นเพื่อนเป๋นพี่เป๋นน้องกั๋นเสมอ
มิตรภาพผ่านสายเคเบิล ตี้ดูเผินๆ บ่าน่าจะก่อเกิดได้ มันก่อเป๋นไปแล้ว

วันเดียวกั๋นนี้ ปี๋ที่แล้ว พี่แก้วยังบ่าได้ฮู้จักกับเวบนี้เตื้อ
ย้อนกึ๊ดไปแล้ว คงจะเสียใจ๋มากๆ ถ้าบ่าได้ตวยพี่คำหล้ามาแอ่วเวบนี้

วันเดียวกั๋นนี้ ปี๋หน้า เฮาจะยังฮักกั๋น แบบนี้แม่นก่อเจ้า

พี่แก้ว :wink:

น้องอ้อยจ๋า.. น้องมาบ่าได้ พี่ส่งใจ๋ไปหาแล้วเจ้า แถมยังแอบนินทาเล็กน้อย อิอิ

โดย **นัน** » Tue Sep 21, 2004 6:02 am

งือ ๆ ได้ก้าขอยเปิ้นแห๋มเมาะ...

จ๊าดนี้ไร้วาสนา...แต๊ ๆ เฮา ฮือ ๆ ๆ ๆ :oops:

โดย **หมื่นฮู้** » Tue Sep 21, 2004 11:43 am

เอาเสียงบรรยากาศวันนั้นมาฮื่อฟังผ่อเล่นกั๋นครับ ม่วนๆบ่อดายเน่อครับ คุณภาพเสียงมันบ่อค่อยดีอ่ะครับ แฮ่ๆ

ๆๆๆ

เป๋นต๋อนตี้หมู่เฮาฮ้องเพลงกั๋นหลังกิ๋นอิ่มกั๋นแล้วครับ
http://www.khonmuang.com/sounds/mp3ss1d.swf
http://www.khonmuang.com/sounds/mp3ss2d.swf

โดย **หมื่นฮู้** » Tue Sep 21, 2004 11:44 am

เอาไว้หนหน้าจะถ่ายวีดีโอมาฮื่อผ่อตวยครับ แฮ่ๆ

ๆๆๆ

โดย **เนื้อกู่** » Wed Sep 22, 2004 2:11 am

น้องได้มีโอกาสไปนั่งกิ๋นข้าวตวยกัน ก่อฮู้สึกอบอุ่นดีเจ๊า เหมือนว่าเฮาเป็นครอบครัวเดียวกัน ว่างก็แป๊งกับข้าวมานั่งกิ๋นตวยกัน ม่วนดีเจ๊า....ปี่แก้ว ปี่เกด อ้ายหมื่น อ้ายกำปุ้ง ปี่ลัดดา เปินก็น่าฮักดีเจ๊า ปากันถ่ายฮูปสนั่นปั่นปื้น ฮ้อกเพลงกั๊น น่าฮักเจ๊า
บรรยากาศอย่างฮี้ อยากฮื้อกู่คนได้ลองสัมผัสเจ๊า.............